Transcription
1
Monseigneur, j’ay receu tout présentement le paquet cy encloz de
2
monsieur de Rosset, lequel j’ay baillé de main en main à ce
3
porteur affin de le vous faire tenir diligemment, suyvant ce qu’il
4
m’escript pour y avoir des choses que vous serez bien aise
5
d’entendre ; et par ce, monseigneur, que ledit sieur de Rosset
6
m’escript davantage qu’il espère vous trouver au Valentinoys
7
où vous estes délibéré vous acheminer incontinant après les estatz
8
et que par ce moyen nous estant ce chemin là traversier
9
et hors de commerce, nous aurons peu de commodité recepveoyr
10
voz commandemens et vous donner advis de ce que se présentera
11
de par deçà s’il ne vous plait y provoyr par les adresses
12
et voyes que verrez estre à faire. Je me suys pensé monseignieur
13
vous y fère resouvenir par mesme moyen que je vous
14
baise très humblement la main et prie Dieu vous donner
15
Monseigneur, en parfaitte santé très heureuse et
16
longue vie. De Gap, le Ve de décembre
17
1572.
18
Vostre plus humble et plus obéyssant
19
Serviteur
20
B. Olier